Sirung Cing Jadi Tunggul

Kuring teh sirung...

     Masih keneh sirung, ieuh..

     Dituntun sangkan tumuwuh

     Ku serabna jeung panasna panon poe

     Poekna jeung hiliwirna angin peuting

     Ngahiap pikeun nungguan deui datangna beurang

     Nu mere tanaga ngan ukur hujan

     Ngan sakiceup hanaang maruragan

     Tiisna lantis ti tungtung daun nepi ka akar

     Ceuk batur kuring teh hideung

     Aya oge nu nyebut koneng

     Tapi kuring keukeuh, kuring mah hejo

     Hiji perkara anu jadi wawangsalan

     Kuring teh jaga bakal jadi tangkal naon?

     Tangkal kalapa, tangkal anu pangjangkungna

     Buahna sanajan ngagantung diluhur tetep caina herang     

     tur amis

     Ti tungtung daun nepi ka akar nu lantis ku cai hujan     

     teh bisa mere manfaat..

     Atawa ngan saukur jadi jukut

     Bisa hirup liar tur nyorangan

     Sanajan katincak masih keneh bisa hirup

     Ngan kusabab teu dipakaresep batur

     Tungtungna aya nu ngored da sok ngabalaan

     Teuing ah...

     Nu pasti jaga kuring kudu jadi tunggul

     Dina mangsa kuring geus teu nyawaan

     Masih keneh aya nu nineung..

                                                                              Sumedang, 24 April 2012