Rusiah Kuring jeung Bulan

     Caang bulan bengras ngagantung ditungtung poek

     Angin nyingraykeun halimun nu ngalimpudan langit

     Hate nyeredet nempo teuteupna nu ngalangkang dina kongkolak panon

     Duh Gusti, kuring nitip imut ngagelenyuna nu masih anggang di awang-awang

     Mun seug kuring bisa ngapung

     Kuring rek nyampeurkeun manehna nu keur nyorangan

     Kuring rek menta caangna keur ngeusi hate kuring nu kosong

     Jeung rek ngaharewos, hayang dipangnepikeun kasono kuring

     Kanu dipikaheman di kolong langit beulah kaler

     Kade omat ieu teh rusiah, ulah nepika cakcak bodas apaleun..  

                                                                                               Sumedang, 5 Mei 2012