Jaman baheula, aya hiji kulawarga pamayang di sisi laut Sumatera. Kulawarga eta di antarana aya bapa, ema sareng hiji budak pameget anu namina malin kundang. Kumargi kaayaan kulawargana sangsara, bapana mutuskeun kangge balayar meuntas laut.
Ti mimiti saminggu, dua minggu, sabulan, dua bulan dugika gentos taun, bapana malin kundang teh teu mulih wae ka lemburna, ema na kacida hariwangeun, nepi ka tungtungna emana nu kedah milarian artos kangge pangabutuh sadidinten.
Ti mimiti saminggu, dua minggu, sabulan, dua bulan dugika gentos taun, bapana malin kundang teh teu mulih wae ka lemburna, ema na kacida hariwangeun, nepi ka tungtungna emana nu kedah milarian artos kangge pangabutuh sadidinten.
Saleresna malin kundang teh kalebet budak pinter mung rada bangor, manehna mineng ngudag-ngudag jeung mabukan hayam ku sapu. Dina hiji poe manehna kawas biasa ngudag-ngudag hayam, manehna titajong kana batu nepika raheut panangan na, raheutna teu lengit, napakan dina panangan na.
Tah tos ageung mah, malin kudang ngaraos karunya ka emana anu ripuh milarian artos kangge manehna, manehna mikir palay didambel ka nagri batur sangkan jaga dina mangsa manehna mulang ka lemburna, manehna tos janten jalmi beunghar.
Manehna diajak ku salah saurang nahkoda kapal dagang anu kapungkur sangsara ayeuna tos janten saudagar beunghar. nyuhunkeun widi weh manehna ka emana, mimitina mah emana teu ngawidian, tapi lantaran malin kundang mamaksa, tungtungna ema na ngawidian bari rada beurat ditinggalkeun ku putrana oge.
Manehna diajak ku salah saurang nahkoda kapal dagang anu kapungkur sangsara ayeuna tos janten saudagar beunghar. nyuhunkeun widi weh manehna ka emana, mimitina mah emana teu ngawidian, tapi lantaran malin kundang mamaksa, tungtungna ema na ngawidian bari rada beurat ditinggalkeun ku putrana oge.
Sarengsena manehna nyiapkeun beubeukeulan, manehna dianteur ku emana ka darmaga. " Malin, lamun seug maneh jaga jadi jalma beunghar, omat ulah nepika poho ka ema jeung ka lembur maneh ieu nya" saur ema na bari carinakdak.
Di tengah jalan, kapal anu ditumpakan ku malin kundang dicegat ku bajak laut, sadaya barang dagangan anu diangkut kana kapal dirampas ku para rampog laut eta, teu ngan saukur kitu, ampir sadaya anu numpak kapal eta dipaehan, malin kundang mah gede milik, sabab basa kajadian eta manehna mah buru-buru nyumput di hiji rohangan dina jero kapal anu katutupan ku kai, manehna mah salamet.
Malin kundang angkleung-angkleungan dina luhureun kapal di tengah laut, dugika manehna nepi ka hiji basisir, ku sesa tanaga manehna mapah mapay jalan ngajugjug hiji lembur caket basisir tea. Satepina ka lembur eta, manehna ditulungan ku warga nu aya didinya, manehna nyaritakeun kajadian anu karandapan ku manehna harita.
Di lembur tempat manehna ngungsi, manehna neruskeun hirup, lembur eta kalebet lembur anu subur, ku kauletan malin kundang dina barangdambel, ahirna manehna janten saudagar beunghar, manehna gaduheun kapal dagang sareng anak buah langkung ti 100 urang. Saatos beunghar mah manehna ngalamar hiji wanoja kangge janten istrina.
Beja malin kundang tos beunghar sareng tos nikah, dugi ka ema na, ema na atoheun kacida sareng ngucapkeun sukur ka Allah Ta'ala kangge kaberhasilan putrana, anjeuna mineng ka darmaga ngantosan malin kundang, bisi sawaktu-waktu putra na mulang.
Saatos sababaraha lami malin kundang nikah, manehna mutuskeun balayar sareng istrina ngangge kapal pangsaena sareng di kawal ku anak buahna anu teu sakeudik. ema na malin kundang anu unggal dinten ngantosan putra na di darmaga, ninggalieun aya hiji kapal sae naker bade balabuh ka darmaga eta, anjeuna yakin yen anu aya di luhur kapal teh nyaeta malin kundang sareng istrina.
Turun weh, eta malin kundang sareng istrina teh, dipapagkeun ku ema na, saatos caket, ema na beuki yakin yen eta teh putrana lantaran ninggali tilas raheut tea dina panangan jalmi eta.
Turun weh, eta malin kundang sareng istrina teh, dipapagkeun ku ema na, saatos caket, ema na beuki yakin yen eta teh putrana lantaran ninggali tilas raheut tea dina panangan jalmi eta.
"Malin, budak ema.. naha angkat teh meni lami-lami teuing sareng teu wawartos kumaha-kumaha na?" saur ema na bari ngarangkul manehna.
Malin kundang kalah ngaleupaskeun rangkulan, bari tuluy nyungkrukeun ema na. "Awewe euweuh ka era, wani-wani ngaku indung kuring" saur malin kundang, manehna pura-pura teu kenal ka ema na, sabab isineun ninggali ema tos sepuh sareng ngangge acuk butut.
"Istri ieu ema akang?" saur istri malin kundang
"Istri ieu ema akang?" saur istri malin kundang
"Sanes, nini-nini eta ngan saukur pengemis anu ngaku-ngaku ema akang, sangkan meunang harta ti akang" saur maling kundang ka istrina.
Ngadangukeun sasauran sareng dikitu-kitu ku putra na, ema malin kundang kacida benduna, anjeuna teu nyangka putra na bakal janten budak durhaka, bakat ku teu kuat ema na ngadu'a bari namprakeun panangan na. "Duh Gusti.. pami leres eta budak kuring, ku kuring disumpah manehna jadi batu". Teu lami ti eta, angin badag ngagelebug, ngancurkeun kapal malin kundang sarta eusina. Tos kitu laun-laun awak malin kundang ngaheurasan, tuluy jadi batu karang.
(Carita
Rakyat Minangkabau)
Sumber:
www.webgaul.com
